|
Господи Боже наш, призри с высоты святыя Твоея на молитву нас грешных и недостойных рабов Твоих, беззаконьями нашими Твою благость прогневавших и милосердие Твое раздраживших, и не вниди в суд с рабами Твоими, но отврати страшный гнев Твой праведно на нас движимый, утоли губительное прещение, устави грозный Твой меч, невидимо безвременно секущий нас, и пощади нищих и убогих рабов Твоих, и не затвори в смерти души наша, в покаянии сокрушенным сердцем и со слезами к Тебе, Милосердому, Благоуветливому, и Благопременительному Богу нашему припадающих.
Донележе бо благопризирание твое на ны, благоденствуем: аще ли с яростию призриши, мы погибнем яко утренняя роса: непостоит бо прах противу ветру, тако и мы противу гневу твоему не можем постояти: но яко тварь от сотворшаго ны милости просим: помилуй нас, Господи, грешных, помилуй нас по велицей милости твоей; не попущай на ны ни скорби, ни мнози нестроения, ни глад, ни междоусобныя рати, ни напрасныя смерти, ни огня, ни потопа, да не отпадем от веры, не тверди бо есмы верою: мало показни, но по многу же помилуй: в мале уязви, милостиво же исцели: в мале оскорби, вскоре же возвесели: яко не терпит естество наше долгий гнев твой носити, якоже стеблие огня: но вскоре умилосердися.
Твое бо есть еже миловати и спасати нас, Боже наш, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
Опубликовал: Digger
Источник: Интерфакс
Просмотров: 3968
Поделиться:
Добавить комментарий:
Вам необходимо авторизоваться:
|
